Policia e Korçës ka arrestuar L. N. dhe Xh. N., 24 vjeç, të cilët po transportonin veshje të kontrabanduara nga Greqia, pa kryer procedurat e zhdoganimit.
Gjithashtu, u proceduan penalisht katër punonjës të Doganës së Kapshticës, për "Shpërdorim detyre", pasi dyshohet se kanë lejuar futjen e mallrave në mënyrë të paligjshme.
Bëhet me dije se ka nisur procedim penal për D. Ç., 46 vjeç (Drejtor i Degës Doganore Kapshticë), V. N., 38 vjeç (përgjegjës turni), K. P., 45 vjeç dhe R. M., 40 vjeç (doganierë), pasi dyshohet se nuk kanë kryer veprimet për zhdoganimin e mallrave, sipas ligjit.
Gjatë operacionit u sekuestruan veshjet, dy automjete dhe tre celularë. Materialet procedurale u referuan në Prokurori për hetime të mëtejshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
