Prodhuesit dhe transportuesit e 800 tonë mbetje pluhur të krijuar nga djegia e furrave me hark elektrik të transportuara nga Shqipëria drejt Tajlandës, vijojnë të mbeten ende të panjohur.
Në një bisedë telefonike për MCN drejtoresha ekzekutive e kompanisë Sokolaj SHPK ( e cila është raportuar në media se ka bërë transportin) Gjovana Sokolaj, ka mohuar një gjë të tillë duke thënë se nuk e ka kryer asnjë herë këtë proces.
Gazetari Mariglen Kume, në një lidhje me studion e lajmeve të MCN Tv thotë se përmasat e këtij skandali janë të atij niveli sa detyrohen të heshtin të gjithë institucionet. Sipas Kumes, përderisa nuk ka pasur një autorizim nga Ministria e Mjedisit dhe Turizmit transporti është kryer në mënyrë të paligjshme dhe mbetjet janë trafikuar.
Përmasat e këtij skandali janë të atij niveli sa detyrohen të heshtin të gjithë institucionet. Për Bloomberg ka pasur vetëm një reagimi nga Ministria e Mjedisit dhe Turizmit e cila ka deklaruar se nuk ka autorizuar asnjë komani për të bërë një transport të tillë. Përderisa nuk ka një autorizim të tillë, trafikimi i këtyre mbetjeve është i jashtëligjshëm. Është justifikuar në mënyra të ndryshme
Kemi disa institucione të përfshira dhe që do duhet të mbajnë përgjegjësi.Deri tani kemi reagim minimalis nga ana e Drejtorisë së Doganave që thotë kemi nisur menjëherë hetimin.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
