Në mes të muajit maj, Ariana Grande veshi një fustan nusërie të frymëzuar nga stili i Audrey Hepburn dhe të qepur nga Vera Wang Haute për t'u martuar me agjentin e pasurive të patundshme Dalton Gomez në shtëpinë e saj në Montecito, Kalifornia.
Në gala Met disa vite më parë, Ariana dhe Vera kishin bërë një pakt shumë të rëndësishëm: Në natën më të madhe të modës, Vera i premtoi se kur të vinte koha, ajo do të krijonte fustanin e dasmës të Ariana-s.
Një fustan i bardhë zambaku, vello prej mëndafshi, fustan pas trupit me bel të theksuar dhe me një dekolte të skalitur, një mbyllje të rripave të reçipetave- ky ishte fustani magjik që ylli i popit mbante të veshur në ditën e saj të madhe.
Ceremonia ishte intime, me më pak se 20 miq të ngushtë dhe familjarë të çiftit - të cilët filluan të takoheshin që në janar të vitit 2020 dhe u fejuan dhjetor.
Siç parashikuan tekstet e këngës "Thank U, Next" ("Një ditë do të ec nëpër korridor / Do të mbaj dorën me mamanë time"), nëna e Arianës, Joan Grande, e dha atë, megjithëse në jetën reale e bëri atë së bashku me babain e Arianës, Ed Butera.
Dalton, i veshur me një kostum Tom Ford, priti poshtë luleve të varura nga tavani. Pastaj çifti thanë zotimet e tyre, duke u zotuar për fat të mirë dhe dashuri të përjetshme.
Burimi: Vogue Përshtati: MCNtv.al
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
