Prokuroria në Los Andes, Kili, ka hapur një hetim për ndërprerjen e energjisë elektrike që la në errësirë komunën e Rinconada mbrëmjen e së dielës, në rajonin Valparaiso, 77 kilometër në veri të kryeqytetit Santiago.
Gjyqtarët dyshojnë se kryebashkiaku Juan Galdames ishte ai që e zhyti qytetin në errësirë, për të penguar banorët e tij të shihnin një program investigativ në televizion në kanalin Mega që fliste për të.
Investigimi e akuzonte kryebashkiakun për mashtrim tatimor, për grumbullimin e të ardhurave nga kazinoja lokale dhe gjithashtu se këshilltarët e tij të qytetit sulmuan gazetaren e Mega Natasha Kennard, e cila mbërriti në Rinconada për të kryer raportimin e saj televiziv.
Programi transmetohej rregullisht.
Mirëpo, askush në komunë nuk mundi ta shihte sepse pak minuta para transmetimit të tij, në qytet u ndërpre energjia elektrike.
Shkak i ndërprerjes ka qenë hedhja e sendeve në kabllot e tensionit të lartë nga disa persona të panjohur.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
