Partia në pushtet, Ligj dhe Drejtësi (PiS), pritet t’i fitojë zgjedhjet lokale të mbajtura dje në Poloni. Sipas një sondazhi të IPSOS-it, euroskeptikët që qeverisin Poloninë kanë fituar 32.3 % të votave.
Ndërkohë, sipas exit poll-eve koalicioni i opozitës ka marrë 24.7% të votave.
Partia populiste Ligj dhe Drejtësi e mori pushtetin në vitin 2015, duke premtuar reforma dhe mirëqeverisje, konservatorizëm social dhe rol të shtuar të shtetit në ekonomi. Për më tepër, PiS akuzohet se e ka kthyer qeverisjen në një sundim autoritar, që beson se ndikimi i BE-së në vend duhet kufizuar.
Liderët e BE-së thonë se ndryshimet që partia qeverisëse ka bërë në sistemin gjyqësor në Poloni kërcënojnë sundimin e ligjit në vend dhe parashikojnë sanksione të ashpra.
Megjithatë, gara për drejtimin e kryeqytetit, Varshavë, është fituar nga kandidati proeuropian Rafal Trzaskoëski, ndërsa kandidati i PiS, Patryk Jaki, u rendit i dyti.
Zgjedhjet vijnë në një moment jo të lehtë për të ardhmen e Europës, ndërsa Brexit dhe kryeministri hungarez Viktor Orban e kanë tronditur Bllokun, ndërsa partitë e të djathtës po fitojnë terren gjithnjë e më shumë në kontinentin e vjetër.
Liderët e BE-së thonë se ndryshimet që partia qeverisëse ka bërë në sistemin gjyqësor në Poloni kërcënojnë sundimin e ligjit në vend dhe parashikojnë sanksione të ashpra.
Rezultatet zyrtare të zgjedhjeve lokale pritet të publikohen në gjysmë të javës.
Rezultatet mund të ndikojë në zgjedhjet e përgjithshme vitin e ardhshëm, pasi kontrollimi i më shumë asambleve lokale çon drejt një aksesi më të mirë në financimin lokal dhe rrjedhimisht më shumë influencë partiake mbi çështjet rajonale.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
