Mbrëmjen e sotme emisionin TemA e Javës, e gazetares Luljeta Progni, u ndal sërish tek Reforma në Drejtësi. Këtë radhë i ftuar i këtij emisioni ishte Kryetari i Partisë Agrare Ambientaliste, Agron Duka.
Duka deklaroi se mund ta votojë Reformën në Drejtësi edhe nëse nuk do të këtë konsensus mes mazhorancës dhe opozitës, por gjithsesi u shpreh optimist për arritjen e një konsensusi mes palëve. Në studion e Tema TV, ai tha se për këtë do të marrë vendim në kohën e duhur por nuk ka mohuar votën pro nëse opozita në grup, do të votojë kundër kësaj reforme.
Deputeti Duka e vlerësoi si mjaft rolin e Ambasadorit amerikan, Donald Lu dhe së fundmi letrën që ai i ka dërguar deputetëve të Kuvendit për të miratuar Refomën në Drejtësi duke u shprehur se “në një vend si Shqipëria ndërhyrja e ambasadorëve sjell vetëm pozitivitet”. Gjithashtu kreu i PAA u ndal edhe tek qeverisja aktuale duke u shprehur haptazi mbi performancën e ekzekutivit Rama duke theksuar se “korrupsioni është në nivele të larta, nuk e di nëse është më i lartë apo më i ulët se qeverisja e mëparshme”.
Duka vuri në dukje edhe rëndësinë e ekzistencës së PAA në Kuvend pasi në vendin tonë mbi 47 % jetojnë akoma në fshat.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
