Kjo orë është vendimtare për katedralen drejt së cilës janë kthyer sytë e të gjithë botës. Nëse kambanorja bie, e gjithë ndërtesa shembet. Zjarrfikësit janë brenda dhe jashtë saj, duke vazhduar përpjekjet e tyre, për të ndaluar zjarrin, ka thënë Jean-Claude Gallet, komandati i përgjithshëm i Brigadës së Zjarrit në Paris.
Po largojmë nga Katedralja veprat e artit, ka thënë ai.
Shkaqet e zjarrit mbeten ende të panjohura.
Ndërkohë, Vatikani në një deklaratë për shtyp ka shprehur keqardhjen dhe dhimbjen e thellë për këtë dëm të paimagjinueshëm të një prej simboleve botërore të Krishtërimit.
Theresa May, gjithashtu, ka shprehur shqetësimin e saj në rrjetet sociale.
Edhe Sekretari i Përgjithshëm i OKB-së, António Guterres ka shprehur dhimbjen e tij për çka po i ndodh katedrales, shembullit unik të trashëgimisë botërore.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
