Athina është e hapur ndaj mundësisë për të bërë një rekomandim në raportin e BE-së për vendet e anëtarësimit që për sa kohë që çështja Fredi Beleri nuk zgjidhet, hapja e kapitujve për Shqipërinë nuk do të vazhdojë, raporton sot “Kathimerini”.
Beleri është arrestuar që prej muajit maj për blerje të dyshuar votash, pasi u zgjodh kryebashkiak i Himarës. Seanca është planifikuar të nisë të martën në një gjykatë të posaçme kundër korrupsionit në Tiranë.
“Greqia kërkon lirimin e përkohshëm dhe betimin e Belerit si kryetar bashkie, ndërsa Shqipëria këmbëngul se vendimi i takon vetëm "gjyqësorit të pavarur". Nëse ai merr një dënim sado të vogël, e ardhmja e tij politike do të vihet në dyshim në dëm të marrëdhënieve greko-shqiptare”, shkruan gazeta në fjalë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
