Kuvendi i Maqedonisë së Veriut do të shpërndahet më 11 shkurt të vitit të ardhshëm, paralajmëroi sot kryeparlamentari Talat Xhaferi në një takim me gazetarët.
Ai tha se do të respektohen të gjitha afatet për procesin e zgjedhjeve të shpallura.
Zgjedhjet e parakohshme të 12 prillit erdhën si rrjedhojë e kompromisit nga takimi i liderëve të zhvilluar javë më parë në kabinetin e presidentit Stevo Pendarovski.
Megjithatë akoma po vazhdon debati se a do të ketë ndryshime në kodin zgjedhor lidhur me propozimin për lista të hapura dhe ndryshim të zonave zgjedhore.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
