Policia e Korçës ka arrestuar një 57-vjeçar, pronar i një lokali në fshatin Bulgarec, i dyshuar për organizim të lojërave të fatit të paligjshme dhe shpërndarje të lëndëve narkotike.
I arrestuari, shtetasi A. R., akuzohet se kishte përshtatur ambientin e lokalit për zhvillimin e lojërave të fatit dhe për shitje e përdorim të drogës.
Gjatë kontrollit, policia ka sekuestruar 14 doza me lëndë të dyshuar kokainë, si dhe materiale që shërbenin për lojëra fati.
Në celularin e tij janë gjetur gjithashtu faqe aktive për baste sportive.
Në vijim të ndërhyrjes, 3 persona u proceduan penalisht për veprime që pengojnë zbulimin e së vërtetës, pasi tentuan të fshehin prova, ndërsa 14 shtetas të tjerë u proceduan për moskallëzim krimi.
Në lidhje me këtë rast, është proceduar penalisht edhe një punonjës policie, i cili akuzohet për shpërdorim detyre, ndërsa ndaj tij ka nisur edhe hetim disiplinor.
Në cilësinë e provës materiale, policia ka sekuestruar kokainë, shuma monetare në disa valuta, një automjet, 8 celularë, letra bixhozi dhe çipsa. Materialet i janë referuar Prokurorisë së Korçës për veprime të mëtejshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
