Presidenti ukrainas Volodymyr Zelensky ka kritikuar faktin se përparimi në rivendosjen e energjisë elektrike ka qenë i ngadaltë, veçanërisht në kryeqytetin Kiev.
Ky koment është interpretuar nga disa si kritikë e hapur ndaj kryetarit të kryeqytetit, Vitaly Klitschko.
“Shumë qytetarë të Kievit kanë më shumë se 20 apo edhe 30 orë pa energji elektrike”, tha lideri ukrainas, duke theksuar se pret punë cilësore nga zyra e kryetarit.
Zelensky nuk e përmendi emrin e Klitschkos, por e bëri të qartë se ishte i mërzitur që kishte shumë pak vendstrehime për 3 milionë banorët e kryeqytetit, duke folur për "shumë ankesa, veçanërisht në Kiev".
Klitschko më parë tha se 400 nga këto objekte ishin ngritur për t'u siguruar qytetarëve energji elektrike, ujë, akses emergjent, internet, si dhe ngrohje.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
