Presidenti ukrainas Volodymyr Zelensky është zotuar se Kievi do të përgjigjet pasi vendi u godit nga një raund tjetër sulmesh ruse gjatë natës.
Ai thotë se operacionet e shpëtimit janë duke vazhduar, por se të paktën katër persona janë vrarë dhe 16 të tjerë janë plagosur në sulmet.
Rusia përdori "mbi 90 objektiva ajrore kundër civilëve dhe infrastrukturës", thotë ai, duke përfshirë 81 dronë, dhe raketa balistike lundrimi, balistike dhe të lëshuara nga ajri.
"Ne padyshim që do t'i përgjigjemi Rusisë për këtë dhe të gjitha sulmet e tjera. Krimet kundër njerëzimit nuk mund të mbeten pa u ndëshkuar," shton Zelensky në një postim në mediat sociale
Nga ana e tij edhe Presidenti i SHBA Joe Biden ka dënuar sulmet e Rusisë në Ukrainë dje, duke thënë se Moska "nuk do të ketë kurrë sukses" në luftën e saj të vazhdueshme.
Ai tha se Uashingtoni do të vazhdojë të mbështesë rrjetin energjetik të Ukrainës.
“Unë dënoj, në termat më të ashpër të mundshëm, luftën e vazhdueshme të Rusisë kundër Ukrainës dhe përpjekjet e saj për të zhytur popullin ukrainas në errësirë.
Rusia nuk do të ketë kurrë sukses në Ukrainë dhe shpirti i popullit ukrainas nuk do të thyhet kurrë”, tha Biden në një postim në X.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
