Implikimi me krimin/ Zhabina: Ka edhe efektivë të tjerë të përfshirë, dy nismat për vetëpastrim s’kanë funksionuar (VIDEO)

 

 

"Ajo që është më ulëritëse është që ne kemi deklaratën e Dumanit që në raste të caktuara ne e kemi të pamundur bashkëpunimin me policinë, sepse bashkëpunojnë, dhe në rastin më të keq janë pjesë e grupeve kriminale. Për këtë pjesë duhet të bëjmë ‘wow’. Është për t’u përshëndetur sepse kemi hequr nga duart e krimit 10 milionë euro. Ka efektivë të tjerë, por janë disa faza që duhen ndjekur në hetim. Por a do jemi para faktin që edhe këta oficerë do largohen nga Shqipëria, këtë nuk dimë ta themi. Por që janë në rang drejtorësh, këtë na i la si indicie. Si e ka bërë qeveria, Ministria e Brendshme vetëpastrimin e kësaj organizate, i pari ishte procesi i Vetingut, që të gjithë e dimë si u bitis. Mënyra tjetër ishte që oficerët e policisë do deklaronin nëse kanë përdorur aplikacionin Sky Ecc dhe asnjë s’e ka plotësuar që s’e ka përdorur aplikacionin. S’i do të bëhet vetëpastrimi i Policisë së Shtetit me këto nisma që nuk funksionojnë?!"

Lidhur me qendrën pritëse të emigrantëve në Shëngjin, Zhabina tha se aty pritet të vendoset një komisariat policie i posaçëm.

Po ashtu gazetari theksoi nga pikëpamja e hetimit sulmi ndaj avokatit Sokol Mëngjesi mund të konsiderohet ngjarje e zbardhur.

"Kjo është një nga ato ngjarje që për policinë konsiderohet e mbyllur, e zbardhur. Ajo që është e re është rikualifikimi i veprës penale, që nga referimi vrasje me dashje e mbetur në tentativë, e rikualifikoi në plagosje të rëndë me dashje. Autorët janë të identifikuar, rolet e tyre janë të zbardhura, dhe këtu mbyllet historia sa i përket procesit hetimor. Tre autorët e shpallur në kërkim duhet të përballen me drejtësinë. Dy personat kyç kanë qenë Dritan Nano dhe Avdia në mos gaboj, që ka qenë dhëndri i Nanos. Personat e tjerë kanë pasur rol dytësor”.