Trupi i ish-kryeministrit japonez Shinzo Abe është rikthyer përmes një autokolone në rezidencën e tij në Tokio. Abe u qëllua për vdekje teksa fliste në një aktivitet të fushatës politike të premten në mëngjes në qytetin jugor të Nara.
Policia që po heton atentatin ka thënë se i dyshuari kishte një zemëratë kundër një organizate. Agresori i dyshuar, i quajtur Tetsuya Yamagami, 41 vjeç, besonte se Abe ishte pjesë e kësaj organizate.
Yamagami ka pranuar se e ka qëlluar me një armë artizanale, bën me dije policia.
Ndërsa autokolona mbërriti në rezidencën e tij në Tokio, anëtarët e Partisë së tij Liberale Demokratike (LDP) në pushtet, të veshur me të zeza, u rreshtuan për të bërë nderimet e tyre.
Kryeministri aktual Fumio Kishida pritet t’u bashkohet homazheve pasditen e sotme. Ndërkaq, mediat lokale raportojnë se Abe do të varroset ditën e martë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
