NASA, në kërkim të jetës në Mars

Roveri i gjeneratës së re të NASA-s, Preserverance, do të niset nga Florida në një mision për të kërkuar gjurmë të jetës së mundshme në Mars.

Agjencia hapësinore amerikane, ka shpenzuar 2.4 miliardë dollarë për këtë mision që pritet të mbërrijë Marsin në shkurt 2021. Roveri robotik, me gjashtë rota dhe me përmasat e një makine, do të lancohet nga një raketë Atlas 5, nga bashkëpunimi me Beouing Lockheed, po ashtu do të dërgojë në Mars edhe një mini helikopter dhe do të testojë pajisjet për misione të ardhshme të njeriut në planetin e kuq. Parashikimet e motit nga Cape Canaveral nuk janë të këqija dhe ka vetëm një shans të vogël që retë të vonojnë nisjen e misionit. Kjo është hera e parë që ne ulemi në Mars ndaj mund të themi se kemi eksperiencë në këtë fushë, tha administratori i NASA-s, Jum Bridenstine.

“Me misionin që ne kemi aktualisht në mars, Curiosity, dimë se rrathët e metanit në mars tregojnë stinët atje, që mund të jetë një tregues, edhe pse jo përfundimtar, se jeta mund të ekzistojë ende në mars sot, nën sipërfaqen e tij”.

Perseverance do të ulet në bazën në një krater 250 metra të thellë, të quajtur Jezero, një ish-liqen para 2.5 miliardë viteve që shkencëtarët dyshojnë se mund të mbajë prova të jetës së shkuar mikrobiologjike në Mars. Shkencëtarët në fakt kanë debatuar prej kohësh nëse marsi, dikur një vend më mikpritës se sot, ka patur apo jo jetë.