Kompania A.G.S Sh.p.k, ka fituar tenderin për shërbimin e Lavanterisë dhe hotelerisë në pavionet e Drejtorisë së Shërbimit Spitalor Sarandë.
Devis SHPK - AGS SHPK - SANITARY CLEANING SHPK & Mimoza Deliu, ishin bashkimi i disa kompanive që sipas raportit kishin bërë ofertën më të mirë duke u përzgjedhur edhe si fitues të këtij tenderi.
Por kompania A.G.S sh.p.k, është akuzuar nga konkurrentët dhe Kontrolli i Lartë i Shtetit se është favorizuar në mënyrë të paligjshme nga QSUT, ka fituar tenderin prej 1.1 miliardë lekë të lavanterisë.
Por këto akuza nuk e kanë penguar këtë kompani që të shpallet përsëri fituese në tenderin e radhës për spitalin e Sarandës.
Kompania A.G.S Sh.p.k, e cila akuzohej se ishte favorizuar gjatë procedurës së parë të prokurimit , e cila u anulua nga Komisioni i Prokurimit Publik, KPP, është shpallur fituese me një ofertë prej 1,097 miliardë lekë. Oferta fituese është e barabartë me 99.2 për qind e çmimit limit të tenderit. Fondi limit qe 1,160 miliardë lekë.
Oferta e dytë në tender ka qenë ajo e bashkimit të operatorëve Devis Sh.p.k, Dimensione të Reja, Univers Servis Sh.p.k dhe A-K Company Sh.p.k me 1.1 miliardë lekë. Në tenderin e parë ky konsorcium kompanish kishte dhënë një ofertë për të njëjtin shërbim relativisht më të ulët. Të pyetur nga BIRN drejtuesit e Davis Sh.p.k nuk e komentuan rritjen e ofertës financiare në tenderin e dytë.
Tenderi i parë i mbajtur me 16 shkurt me autoritet kontraktues, QSUT, pati 6 oferta nga kompani ose bashkime operatorësh. Në tenderin e dytë të mbajtur nga Ministria e Brendshme në 3 gusht pati dy oferta, shenjë që një pjesë e kompanive ka humbur besimin në procedurën e prokurimit.
Fituesja e tenderit të dytë, A.G.S sh.p.k. është akuzuar nga KLSH se ka përfituar nga favorizimi i padrejtë i Komisionit të Vlerësimit të Ofertave, KVO, në QSUT, në një tender tjetër për lavanterinë që mbulonte periudhën Janar-Prill 2014, duke i shkaktuar taksapaguesve një dëm prej 10.8 milionë lekë.
Anëtarët e KVO-së në QSUT janë paditur nga KLSH në prokurori, por kjo e fundit i tha BIRN se është ende në procesin e verifikimit të akuzave.
Ankesa për favorizim nga QSUT për A.G.S sh.p.k ka pasur dhe nga operatorët e tjerë që morën pjesë në tender.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
