Orban: Jemi një hap larg dërgimit të trupave nga Perëndimi në Ukrainë

Institucionet evropiane qeverisen sot nga një shumicë pro luftës dhe ne jemi një hap larg dërgimit të trupave nga Perëndimi në Ukrainë.

Kështu shkruan në Facebook kryeministri hungarez Viktor Orban.

Në Evropë atmosfera është luftë, politika dominohet nga logjika e luftës. I shoh të gjithë duke u përgatitur për luftë.

Jemi një hap larg dërgimit të trupave nga Perëndimi në Ukrainë. Kjo është një vorbull lufte që mund ta shtyjë Evropën në humnerë.

Brukseli po luan me zjarrin. Ne hungarezët e dimë se si është lufta. Kemi qenë mjaft herë të përfshirë.

Ne nuk duam luftë dhe nuk duam që Hungaria të bëhet sërish shesh lojërash për fuqitë e mëdha.

Kjo është arsyeja pse ne duhet të luftojmë për paqen në shtëpi, në Bruksel, në Uashington, në Kombet e Bashkuara dhe në NATO.