Ish-Presidenti i Kosovës, Hashim Thaçi, ka mbajtur fjalën e tij përmbyllëse në Gjykatën Speciale në Hagë, duke folur për masakrat dhe akuzat që rëndojnë mbi të. Thaçi tha se nuk mund të qëndronte indiferent përballë vuajtjeve të popullit të tij dhe se veprimet e tij gjatë luftës ishin të motivuara nga përgjegjësia për popullin dhe familjet e tij, duke shtuar se ndihet krenar për vendimet që mori në atë periudhë.
Duke parë masakrat ndaj popullit tim, nuk mund të qëndroja indiferent. Vendosa të kthehem në Kosovë. Ky ishte vendimi im personal. Nuk mund të qëndroja anash teksa familja dhe populli im përballeshin me shfarosje. Bëra atë që do bënte secili prej jush nëse populli juaj do përjetonte atë që përjetoi populli im. Për këtë jam shumë krenar dhe nuk i bie pishman asnjëherë.
Millosheviçi nisi luftën në Kosovë, ndërsa ne po vetëmbroheshim. Luftën mund ta përfundonte vetëm NATO dhe ashtu ndodhi
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
