Guvernatori i Bankës së Shqipërisë Gent Sejko tha se Shqipëria dhe rajoni do të përballen me një realitet të ri çmimesh dhe pasigurie në tregjet botërore.
Ndër të tjera, Sejko theksoi se inflacioni pritet të qëndrojë mbi objektiv në dy vitet e ardhshme.
Deklarata e Sejkos u bë gjatë prezantimit të Raportit të Tranzicionit i Bankës Evropiane për Rindërtim dhe Zhvillim 2021-2022.
Shqipëria dhe rajoni po përballen me një realitet të ri çmimesh dhe pasigurie në tregjet botërore. Si ekonomi të vogla dhe të hapura, ne s’mund t’ju shpëtojmë pasojave të këtij realiteti. Në vija të përgjithshme ekonomia shqiptare po përballet me kosto shtesë për familjet, bizneset dhe bilancet e sektorit publik në një horizont kohor jo të shkurtër. Në aspektin negativ, projeksionet tona sugjerojnë se inflacioni pritet të qëndrojë mbi objektiv për pjesën më të madhe të dy viteve të ardhshme, marzhet e fitimit të biznesit do të vihen në presion, në aspektin pozitiv, projeksionet tona sugjerojnë që vëllimi i aktivitetit ekonomik do të shënojë rritje gjatë vitit 2022. Fokusi i autoriteteve publike duhet të jetë i dyfishtë, të mbrohen shtresat nevojë të shoqërisë dhe segmentet e brishta të ekonomisë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
