Ministri i Financave, Arben Ahmetaj, u shpreh sot se buxheti i vitit të ardhshëm do të hartohet në përputhje me rekomandimet e Fondit Monetar Ndërkombëtar. Gjatë një konference të përbashkët me përfaqësues të FMN-së në Tiranë, Ahmetaj tha se gjatë vitit 2017, parashikohet një ulje e borxhit publik me 3 %.
“Do të ulim me 3 për qind borxhin publik gjatë vitit 2017. Mbështetje sektorëve prioritarë, kemi marrë masa për stabilizimin e situatës financiare”, tha Ahmetaj.
Ndërsa përfaqësuesja e FMN-së, Tuladhar, tha se buxheti mbetet në fokus të monitorimit.
“Ekipi i FMN-së do ta vizitojë Tiranën në janar për të analizuar progresin e arritur në zbatim të programeve”, tha ajo.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
