Vullkani Kilauea në arkipelagun amerikan të Hawaii-t , një nga më aktivët në botë, shpërtheu sërish të dielën.
Lajmin e bëri me dije Shërbimi Gjeologjik i Shteteve të Bashkuara.
Pas janarit dhe qershorit, kjo është hera e tretë këtë vit që vullkani shpërthen.
Vullkani ndodhet larg zonave të banuara, por shërbimet e urgjencës në Hawaii kanë paralajmëruar lëshimin e gazrave vullkanikë, veçanërisht të dioksidit të squfurit, i cili është irritues për sytë dhe traktin respirator, i cili mund të prekë banorët, të korrat dhe bagëtinë.
“Llava në Kilauea është e kufizuar dhe nuk përbën asnjë kërcënim për banorët. Megjithatë, shpërthimet lëshojnë grimca dhe gazra që mund të krijojnë probleme të frymëmarrjes", paralajmëroi instituti në X.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
