Sot në Amerikë po merr formë një oligarki e rrezikshme e pasurisë, fuqisë dhe ndikimit ekstrem.
Ky është paralajmërimi më i fortë i lëshuar nga Presidenti amerikan Joe Biden në fjalimin e tij të lamtumirës drejtuar kombit nga Zyra Ovale, pesë ditë pas inaugurimit të Donald Trump.
Një fjalim i drejtpërdrejtë televiziv që zgjati vetëm 20 minuta, në të cilin, duke mbyllur një karrierë politike 50-vjeçare, Biden pretendoi se sukseset e presidencës së tij për të çimentuar trashëgiminë e tij dhe lëshoi një seri paralajmërimesh për rreziqet për demokracinë.
Duke filluar nga formimi i një oligarkie miliarderësh, nga Elon Musk te Jeff Bezos dhe Mark Zuckerberg.
Duke përmendur paralajmërimet e presidentit Dwight Eisenhower për kompleksin ushtarako-industrial kur ai la detyrën, Biden tha se ai ishte “po aq i shqetësuar për ngritjen e mundshme të një kompleksi teknologjiko-industrial që mund të përbëjë një rrezik real edhe për vendin tonë”.
Ai apeloi për mbrojtjen e institucioneve, për të ruajtur ndarjen e pushteteve dhe sistemin e “check and balances”, pra kontrolle dhe balancime të të njëjtave pushtete, duke shmangur çdo “shpërdorim pushteti”.
Biden propozoi ndryshimin e Kushtetutës për të qartësuar se asnjë President nuk është i imunizuar nga krimet që ai kryen gjatë kohës që është në detyrë”.
Presidenti në largim bëri dy paralajmërime të tjera: një kundër forcave të fuqishme që duan të ushtrojnë ndikimin e tyre të pakontrolluar për të eliminuar masat që kemi marrë për të adresuar krizën klimatike; tjetri kundër ortekut të dezinformatave që ka varrosur amerikanët, mes “kolapsit të lirisë së shtypit” dhe mediave sociale që heqin dorë nga verifikimi i fakteve, siç paralajmëroi së fundmi edhe Mark Zuckerberg për platformat e tij Meta.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
