Melinda French Gates tha se i ishte “thyer” besimi gjatë martesës me bashkëthemeluesin e Microsoft, Bill Gates, duke çuar përfundimisht në divorcin e tyre.
Gates reflektoi mbi "udhëtimin e saj të shërimit" pas divorcit të saj të dhimbshëm në një intervistë ekskluzive me spikeren e "CBS Mornings", Gayle King.
Melinda dhe Bill ishin të martuar për 27 vjet përpara se të njoftonin ndarjen e tyre majin e kaluar. French Gates i tha King se ajo derdhi "shumë lot për shumë ditë" dhe kujtoi se ishte shtrirë në tapet duke menduar: "Si mund të ndodh kjo? Si mund të ngrihem? Si do të eci përpara?”
Ajo tha se kishte ditë kur ishte e zemëruar pas ndarjes. "Kjo është pjesë e procesit të pikëllimit," tha ajo. "Ju jeni të pikëlluar për humbjen e diçkaje që mendonit se e kishit dhe mendonit se do e kishit gjatë gjithë jetës tuaj."
Intervista e rrallë televizive e filantropistit 57-vjeçare do të transmetohet e plotë të enjten. Kjo është hera e parë që ajo flet publikisht për divorcin e saj.
"Dua të them, kjo është diçka e dhimbshme," vazhdoi ajo. “Dhe në fund të ditës, sidoqoftë, fillova këtë udhëtim shërimi dhe ndihem sikur po filloj të shkoj në anën tjetër. Dhe ndihem sikur po kthej një faqe në kapitull tani. Dua të them, është viti 2022 dhe në fakt jam shumë e emocionuar për atë që do të vijë dhe për jetën përpara për mua.”
King gjithashtu pyeti French Gates për zbulimin se burri i saj kishte një lidhje në vitin 2000.
"Unë sigurisht besoj në falje, kështu që mendova se kishim punuar mjaftueshëm," tha French Gates. “Nuk ishte një moment apo një gjë specifike që ndodhi. Por erdhi një moment që mendova se nuk ishte e shëndetshme dhe nuk mund të besoja atë që kishim."
“Pasi thyhet besimi, a nuk është e vështirë ta kthesh atë?”, pyeti King Melindën.
"Shumë, është shumë e vështirë për ta rikthyer atë, në çdo marrëdhënie," përgjigjet ajo.
Çifti finalizoi divorcin verën e kaluar. Lajmi për ndarjen e tyre u pasua nga raportet për tërbimin e Melindës për lidhjet e burrit të saj të atëhershëm me pedofilin e dënuar Jeffrey Epstein. Melinda Gates gjithashtu thuhet se ishte zemëruar nga pretendimet se menaxheri i parave të Bill ngacmonte seksualisht gratë.
Bill Gates u tha gjithashtu se kishte mbajtur një lidhje shumëvjeçare me një punonjëse të Microsoft-it. Kur punonjësja informoi bordin e kompanisë në vitin 2019, Gates dha dorëheqjen në të njëjtën kohë kur filloi një hetim i brendshëm.
Dyshja themeluan Fondacionin Bill dhe Melinda Gates ndërsa ishin bashkë dhe e ndërtuan atë në një nga organizatat më të mëdha bamirëse në botë.
Në kohën kur u dorëzuan dokumentet e divorcit, Bill Gates kishte një pasuri rreth 130 miliardë dollarë. Çifti nuk ka nënshkruar një marrëveshje paramartesore.
Menjëherë pas përfundimit të divorcit, Bill Gates i tha Anderson Cooper-it të CNN se ndarja e tij nga Melinda ishte një "një moment historik shumë i trishtuar" dhe një burim "trishtimi personal".
Gates i tha spikeres se ai dhe ish-gruaja e tij do të vazhdojnë punën e tyre filantropike së bashku, duke përmendur "anët e saj të forta" në çuarjen përpara misioneve të Fondacionit Bill dhe Melinda Gates .
Melinda ka thënë se do të përpiqet të punojë me Bill në fondacion për të paktën dy vjet të tjera.
“Gjithmonë e kam shijuar punën tonë së bashku”, tha Gates për CNN.
"Ju e dini që ne të dy mund të dalim dhe të punojmë me drejtues dhe të ndihmojmë në ndërtimin e organizatës, kështu që kjo do të ishte padyshim gjëja më e mirë për fondacionin."
Bill dhe Melinda Gates u panë së bashku gjatë dasmës së më të madhes nga tre fëmijët e tyre, Jennifer Gates, 25 vjeç, e cila u martua vjeshtën e kaluar me Nayel Nassar, një kalorës 30-vjeçar, në Westchester County.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
