Administrata në largim e presidentit amerikan Joe Biden po përgatit një rritje të konsiderueshme të dërgesave të armëve në Ukrainë në javët e fundit të mandatit të tij, tha një zyrtar i lartë për CNN të enjten.
Presidenti i sapozgjedhur Donald Trump ka kritikuar vazhdimisht qasjen e Biden-it në konfliktin Moskë-Kiev.
Departamenti amerikan i Mbrojtjes “po ndërmerr një përpjekje historike për të lëvizur sasi masive armësh në Ukrainë në pesë javët e ardhshme”, tha zyrtari i paidentifikuar për CNN.
Uashingtoni thuhet se planifikon të dërgojë "qindra mijëra fishekë artilerie, mijëra raketa, qindra mjete të blinduara dhe kapacitete të tjera kritike" nga tani deri më 20 janar, kur Trump të kthehet në Shtëpinë e Bardhë.
Sipas burimit, Këshilltari i Sigurisë Kombëtare Jake Sullivan po udhëheq një përpjekje ndërinstitucionale për të lehtësuar dërgesat. Në nëntor, ai udhëzoi Sekretarin e Mbrojtjes Lloyd Austin që të "përshpejtonte" lëvizjen e armëve të ndryshme, duke përfshirë automjete të blinduara dhe raketa.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
