Një punonjës policie, një i dënuar dhe një familjar janë vendosur nën masën arrest me burg pasi akuzohen për futjen e lëndëve narkotike brenda burgut të Elbasanit, me qëllim përfitimin financiar.
Autoritetet kanë ekzekutuar masën e sigurisë “Arrest me burg” ndaj:
Ndriçim Kroi, punonjës policie në IEVP Elbasan
Esmeralda Komici, familjare e një të paraburgosuri
Gerald Stamolla, i paraburgosur në IEVP Elbasan
Sipas të dhënave hetimore, personat e përfshirë dyshohet se kanë bashkëpunuar për të futur lëndë narkotike në ambientet e burgut, duke shfrytëzuar pozicionin dhe lidhjet e tyre, në shkelje të rëndë të ligjit dhe rregullave të sigurisë penitenciare.
Materialet procedurale janë referuar Prokurorisë për veprime të mëtejshme ligjore.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
