Ndryshimet kushtetuese për emrin e ri, Maqedonia e Veriut, pritet të hidhen sot në votim në seancën e Kuvendit, pas tre ditëve debat.
Partitë e maxhorancës pritet të sigurojnë 80 deputetë për të votuar pro ndryshimeve kushtetuese, megjithatë nga VMRO-DPMNE kanë thënë se grupi i tyre parlamentar nuk do të mbështesë këto ndryshime që e ndërrojnë emrin kushtetues të vendit, raporton INA.
Koalicioni i partive në pushtet duke llogaritur edhe votat e Aleancës për Shqiptarët dhe Lëvizjes BESA ka 72 deputetë, por për t’i hapur rrugë ndryshimit të Kushtetutës duhen 80 deputetë, gjegjësisht 8 deputetë nga koalicioni i VMRO-DPMNE-së.
Nëse draft-propozimi nuk votohet, atëherë vendi do të shkojë në zgjedhje të parakohshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
