“Opozita e re” ka në dorë fatin e projektligjit për amnistinë, nga e cila përfitojnë 350 të dënuar. Gjatë një prononcimi për mediat, ministrja e Drejtësisë, Etilda Gjonaj, tha sot se drafti që kërkon shumicë të cilësuar do të kalojë në Parlament.
"Për shkak të mungesës së opozitës dhe mungesës së vullnetit të tyre për të miratuar një amnisti, që miratohet me shumicë të cilësuar, ka ngelur e pamiratuar. Por tani që opozita, pjesa tjetër ka ardhur, do ta rishikojmë idenë sesi mund ta kalojmë sërish në Parlament për miratim", tha Gjonaj.
Ministrja tha se miratimi i amnistisë i hap rrugën uljes së mbipopullimit në burgje.
"Nga amnistia pritet të përfitojnë 350 dënuar duke mos përfshirë ata në ndjekje penale. Do të shërbejë në mënyrë rrënjësore dhe të dukshme për uljen e mbipopullimit në sistemin penitenciar", tha ajo.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
