Partia Demokratike është e vendosur ta vijojë protestën dhe bojkotin deri në plotësimin e kërkesës së saj për qeveri teknike. Kreu i PD-së, Lulzim Basha, tha në fjalën e sotme në çadër se opozita nuk bëhet pjesë e pazareve.
“Nuk ka e nuk do të ketë asnjë tërheqje në kauzën tonë për zgjedhje të lira e të ndershme. Nuk ka e nuk do të ketë kthim në kohën e republikës së vjetër. O kthejmë demokracinë dhe parlamentin e vërtetë, ose do të vazhdojmë betejën deri në fitore. Ne e dimë se çfarë do të ndodhë pot ë bëhemi pjesë e pazareve të qelbura. Nuk kanë vënë kriminelët në lista, po fëmijët e tyre. Politika e vjetër e ka të pamundur ekzistencën pa kriminelët. Nuk e dorëzojmë këtë betejë, do të fitojmë me çdo kushte e me çdo çmim. Kush mendon se ky është një presion i thjeshtë politik që PD të futet në republikën e vjetër e ka gabim. Hapni sytë dhe veshët. Diçka e madhe po ndodh në Shqipëri. Pas 27 vitesh, shqiptarët kanë vendosur se pluralizmi dhe demokracia fasadë nuk mjaftojnë”, tha ai.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
