Mjeku epidemiolog Ilir Alimehmeti tha në studion e MCN Live se nuk ka vend për panik në lidhje me HMPV-në duke qenë se virusi ka qenë aty dhe nuk ka asnjë dallim nga gripi.
Sipas Alimehmetit, 10-12% e infeksioneve të sipërme të fëmijëve janë nga ky virus.
Për këtë virus nuk ka vend për panik. Nuk e di për çfarë arsyeje mediat ndërkombëtare e kanë konsideruar virus të ri. Nuk është i ri. Njerëzimi, mjekësia, shëndetësia e ka zbuluar në 2001 në Holandë, e ka izoluar, e ka detajuar, ia ka bërë të ditur se çfarë është botës shkencore. Prej 2001 ne e njohim, kjo s’do të thotë që nuk ka ekzistuar dhe më parë. Në provat që u bënë u pa që dhe 30-40 vjet më parë aty ka qenë. Aty ka qenë me kohë, por u zbulua në 2001. I ri nuk është se ka çerek shekulli që e njohim. Është në çdo shtet, edhe Shqipëria ka, ka sot, ka pasur vitin e kaluar. 10-12% e infeksioneve të sipërme të fëmijëve janë nga ky virus. Nuk është as i rrallë, as i rrallë, as i ri. Nuk është as ndonjë rrezik i veçantë. E fusim te ajo familja që e quajmë sëmundje të ngjashme me gripin. Sa kohë simptomat i ka njësoj, ecurinë njësoj, riskun e ka njësoj e fusin te familja e madhe që e quajmë grip.
Në asnjë aspekt nuk dallon nga gripi, aty ka qenë gjithmonë, i kemi pas thënë grip. Tani një rast ndër 10 do i themi HMPV.
Sipas Alimehmetit grupmoshat më të rrezikuara janë fëmijët dhe të moshuarve.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
