Kosova ka bërë gjithçka për Asosacionin. Kjo ka qenë deklarata e fundit e presidentes Vjosa Osmani teksa në vend është mbledhur Komisioni për Çështje Politike dhe Demokraci i Këshillit të Evropës me në fokus diskutimin për raportin e Dora Bakoyanis, raportueses për Kosovën në Këshillin e Europës.
“Kosova ka bërë gjithçka çka është pritur nga ajo dhe ka ndërmarrë të gjithë hapat e nevojshëm në mënyrë që shtetet dhe deputetët ta përkrahin këtë anëtarësim. Nëse sot gjithçka kalon me sukses, atëherë në mes të prillit do të jetë mbledhja e gjithë Asamblesë Parlamentare të Këshillit të Evropës. Nëse i marrim votat e nevojshme, aty rekomandohet anëtarësimi dhe ky rekomandim kalon në komitetin e ministrave për mbledhjen e muajit maj. Aty vendoset për anëtarësimin e plotë.”, u shpreh Osmani.
Edhe pse ajo sqaroj se çdo detyrim i Kosovës do të bëhet në përputhje me Kushtetutën e vendit.
“Kërkesë e imja ka qenë në letër që të përfshihet një pjesë ku çdo detyrim i Republikës së Kosovës të zbatohet në përputhje me të drejtën kushtetuese, ligjet e Republikës së Kosovës, me Kushtetutën dhe aktgjykimet e Kushtetueses. Kjo është korniza jonë s’dalim kurrsesi jashtë saj.”, përfundoi Osmani.
Së fundmi, jo vetëm asosacioni, por edhe dinari janë kthyer në pika të nxehta për dialogun Kosovë-Serbi.
Për këtë të fundit diplomatët amerikanë janë shprehur se mungesa e bashkërendimit për çështjen e përdorimit të dinarit ka dëmtuar partneritetin me qeverinë e Kosovës, ndërsa nga New York ministrja e jashtme Donika Gërvalla sqaroj se marrëdhënien e Kosovës me Shtetet e Bashkuara janë shumë të mira.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
