Parlamenti Europian ka vendosur t’i japë fund fshehtësisë së pagave në shpalljet e lajmërimeve për vendet e lira të punës, trend ky tashmë i kthyer në praktikë.
BE-ja në fakt ka vendosur me një direktivë që paga duhet të komunikohet në njoftim ose gjatë intervistës së parë. Indikacionet e reja do të duhet të miratohen nga vendet anëtare brenda tre viteve.
Parlamenti Europian ka vendosur të ndërhyjë për korrektësinë e njoftimeve për të rritur nivelin e transparencës së ofertave të punës dhe për të ndihmuar në uljen e hendekut gjinor të pagave.
Në fakt, sipas një studimi të OECD (Organizata për Bashkëpunim Ekonomik dhe Zhvillim), masat e transparencës së pagave kontribuojnë në uljen e hendekut gjinor të pagave kudo që ato zbatohen. Dhe ato përcaktohen si një mjet i rëndësishëm për të luftuar pabarazinë gjinore, duke e bërë të qartë praninë dhe shtrirjen e hendekut për punonjësit.
Sipas direktivës, çdo kompani me më shumë se 100 punonjës do të duhet të korrigjojë çdo pabarazi pagash nëse tejkalon 5% pa asnjë arsyetim. Përveç kësaj, punëtorët meshkuj dhe femra do të lejohen të kenë akses në të dhënat e grumbulluara gjinore mbi pagat për të kuptuar kriteret për çdo rritje pagash.
Punëdhënësi dhe HR nuk do të jenë më në gjendje të pyesin për informacionin e pagave për kandidatët në punët e mëparshme, për të shmangur që historia e pagave të ndikojë në ofertë.
Sipas direktivës, shtetet anëtare do të duhet të vendosin sanksione efektive, proporcionale dhe bindëse , të tilla si gjobat, për punëdhënësit që shkelin rregullat. Punëtorët meshkuj dhe femra do të kenë të drejtën e kompensimit nëse kompanitë nuk respektojnë masat e transparencës dhe pagave të barabarta.
“Ky legjislacion është progresiv, modern, feminist, liberal dhe ndërsektorial. Është hapi i parë në mbylljen e hendekut gjinor në paga”, tha bashkë-raportuesja Samira Rafaela e grupit liberal Renew Europe.
Direktiva mori mbështetje të gjerë ndërpartiake nga eurodeputetët me më shumë se 400 vota pro.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
