Qeveria greke do të kundërshtojë propozimin e Bashkimit Evropian për të ulur vullnetarisht përdorimin e gazit me 15% duke filluar nga muaji i ardhshëm, një plan që ka për qëllim zbutjen e një ndalimi të mundshëm të plotë të furnizimeve nga Rusia.
Të mërkurën, Komisioni Evropian u kërkoi vendeve anëtare të ulin përdorimin e gazit gjatë muajve të ardhshëm për të shmangur një ndërprerje të madhe të industrive dimrin e ardhshëm.
“Qeveria nuk pajtohet në parim me propozimin e Komisionit për një reduktim prej 15% të konsumit të gazit natyror”, tha zëdhënësi i qeverisë, Yiannis Economou, në një konferencë për shtyp. “Ne kemi paraqitur propozime dhe vazhdojmë të besojmë se ky drejtim mund të japë zgjidhje.
Duke folur më herët në televizionin Skai, ministri i Energjisë, Kostas Skrekas tha se 70% e gazit natyror të importuar nga Greqia përdoret për prodhimin e energjisë elektrike, çka do të thotë se çdo shkurtim do të godasë familjet dhe bizneset.
Ai tha gjithashtu se vendi ka shprehur tashmë mospajtimin e tij me propozimin dhe "ka ndërmarrë të gjitha veprimet e nevojshme" për të siguruar furnizimet.
Reagime të ngjashme kanë shprehur Spanja dhe Portugalia.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
