Çdo vit, më 30 shtator, në mbarë botën shënohet Dita Ndërkombëtare e Përkthimit – një ditë që nderon rolin thelbësor të përkthyesve, përkthimit dhe profesionistëve të gjuhës në ndërlidhjen e kombeve dhe kulturave.
Kjo datë është zgjedhur në nder të Shën Jeronimit, përkthyesit të parë të Biblës në latinisht, i cili njihet edhe si mbrojtësi i shenjtë i përkthyesve.
Dita filloi të festohej për herë të parë nga Federata Ndërkombëtare e Përkthimit (FIT) në vitin 1953, ndërsa në vitin 1991 u hodh ideja për njohjen zyrtare ndërkombëtare të kësaj dite, me qëllim forcimin e solidaritetit ndërmjet komunitetit global të përkthyesve dhe promovimin e përkthimit profesional në mbarë botën, pa kufizime kulturore apo fetare.
Në një botë gjithnjë e më të ndërlidhur, përkthimi është bërë më i domosdoshëm se kurrë më parë, si urë komunikimi ndërmjet gjuhëve dhe popujve, si mjet për të nxitur mirëkuptimin dhe bashkëpunimin ndërkombëtar, dhe si faktor kyç në ndërtimin e paqes dhe sigurisë globale.
Kjo ditë është një mundësi për të vlerësuar punën e përkushtuar të përkthyesve dhe interpretëve, të cilët shpesh qëndrojnë në prapaskenë, por luajnë një rol të pazëvendësueshëm në përparimin global.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
