Sasinë prej një ton droge të kapur në katër muaj në vendin tonë gazetari Artan Hoxha e ka cilësuar si rekord. I ftuar në emisionin “Arnautistan” në MCN TV, Hoxha tha se kjo sasi është kapur në pesë ngarkesa dhe sipas tij grupet e krimit të organizuar po tentojnë të kenë një bazë të sigurt në vendin tonë.
“Kemi një rekord gjatë këtij viti, brenda 4 muajsh kemi kapur 1 ton. Janë kapur në 5 raste. Ato po tentojnë të kenë bazë këtu. Ajo sasi është shumë e madhe dhe nuk është për tregun shqiptar, por çfarë ka ndodhur? Në potin e Durrësit kompania që ka skanerin është me lidhje amerikane. Përgjegjësi ka jetuar 13 vite në Afrikë dhe është kthyer. Skaneri nxjerr vendet e dyshimta dhe pastaj varet nga sa e aftë është policia dhe strukturat e hetimit. Për fat të keq ne nuk kemi burimet njerëzore dhe logjistike për ti shkuar deri në fund gjërave”, u shpreh gazetari.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
