Pasi Gramoz Ruçi është zgjedhur kryetari parlamentit me 80 vota, dy prej të cilave nga opozita, si LSI ashtu edhe PD kanë lënë sallën e parlamentit.
Kreu i PD-së Lulzim Basha ka pasur edhe një prononcim të shkurtër për mediat pranë ish-të përndjekurve që protestonin jashtë, ku ka deklaruar se është e turpshme që Gramoz Ruçi të zgjidhet në krye të parlamentit.
“Është e turpshme të zgjidhet Gramoz Ruçi në krye të parlamentit. Ai është përgjegjës për masakrën e 2 prillit dhe 4 viktimat e pafajshme”, ka thënë Basha.
Ai ka mbështetur edhe protestuesuesit, duke thënë se PD do jetë në anën e tyre.
“Do jemi në krahun tuaj dhe vlerat që përfaqësoni. Do jemi çdo ditë me qytetarët dhe kundër krimit e korrupsionit”, deklaroi ai.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
