Organizata Botërore e Shëndetësisë ka bërë thirrje për ndalimin e shitjes së kafshëve të gjalla nëpër tregje, për të ndaluar përhapjen e sëmundjeve.
Kjo vjen pasi një studim i përbashkët i OBSH dhe Kinës mbi origjinën e Covid botuar muajin e kaluar tha se, tregjet që shesin kafshë të gjalla dhe të ngordhura ishin një burim i mundshëm i pandemisë.
Ai gjithashtu përmbys mendimin e mëparshëm të OBSH-së, botuar në maj të vitit të kaluar, se të ashtuquajturat tregje që shesin kafshë të gjalla dhe të ngordhura nuk duhet të detyrohen të mbyllen, pavarësisht nga rreziku i infeksionit.
"Udhëzimi u bën thirrje vendeve të pezullojnë shitjen e gjitarëve të egër të kapur të gjallë në tregjet e ushqimit, si një masë emergjente. Kafshët, veçanërisht kafshët e egra, janë burimi i më shumë se 70% të të gjitha sëmundjeve infektive te njerëzit, shumë prej të cilave shkaktohen nga viruse të reja. Gjitarët e egër në veçanti, paraqesin rrezik për shfaqjen e sëmundjeve të reja. Tregjet tradicionale, ku mbahen kafshë të gjalla dhe theren, paraqesin një rrezik të veçantë për transmetimin e patogjenit tek punonjësit dhe klientët ashtu”, thuhet në udhëzimin e OBSH-së.
Ajo gjithashtu u bën thirrje qeverive të mbyllin seksionet e tregjeve ushqimore që shesin gjitarë të egër të gjallë, nëse nuk ekzistojnë kushtet e duhura të higjienës.
Nuk dihet ende nëse një thirrje e tillë do të prekë edhe dyqanet e kasapëve, ku mungojnë kushtet minimale të higjienës apo tregjet e gjësë së gjallë në Shqipëri.
Përfundimet e OBSH-së
Kohë më parë, OBSH tha që kushtet në tregjet duhet të përmirësohen por që mbyllja e tyre do të ndërpresë furnizimet e ushqimit dhe do të kushtonte vendet e punës.
OBSH-ja është përqendruar në tregjet e ushqimit si një burim i mundshëm i pandemisë pas një vizite të ekspertëve të saj në Ëuhan, ku përjashtuan mundësinë që sëmundja të ketë dalë nga një laborator.
Në vend të kësaj, ata dolën në përfundimin se kafsha, me shumë mundësi lakuriq nate, ka shumë të ngjarë që një sëmundje e kaloi te një specie ndërmjetëse e cila më pas infektoi njerëzit.
Ndërsa ai proces mund të ketë ndodhur në Kinë, autorët e raportit nuk pranuan të përjashtonin mundësinë që infeksioni të ndodhte jashtë shtetit dhe kafsha e infektuar të importohej më pas në vend.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
