Australia bën thirrje që dozat e blera nga ndërmarrja anglo-suedeze të sigurohen urgjentisht nga Bashkimi Evropian. Konkretisht, kjo është një milion doza të nevojshme për Australinë për të furnizuar Papua Guinenë e Re, ku po ndodh një shpërthim i ri i Covid-19. Kërkesa vjen në prag të vendimit të EMA për pezullimin e përkohshëm të përdorimit të vaksinës AstraZeneca.
"Ne po i bëjmë një kërkesë zyrtare AstraZeneca dhe autoriteteve evropiane për sigurimin e një milion dozave nga AstraZeneca, jo për Australinë, por për Guinea e Re, një vend në zhvillim në nevojë të madhe të këtyre vaksinave", shprehet kryeministri australian Scott Morrison i cili kujton se kishte kërkuar dhe paguar për miliona doza të vaksinave AstraZeneca.
Kërkesa e qeverisë australiane vjen pas vendimit të Italisë për të bllokuar shpërndarjen e vaksinave AstraZeneca të prodhuara në Evropë dhe të destinuara për Australi: një vendim i marrë për shkak të "mungesës së vazhdueshme të vaksinave dhe vonesave në furnizimin e AstraZeneca" në BE dhe Itali.
Ndërkohë, kryeministri Morrison shpjegon: “Ne kemi nënshkruar një kontratë për këto doza, ne kemi paguar për to. Dhe ne duam që këto vaksina të arrijnë këtu që të mund të ndihmojmë fqinjin tonë më të afërt, Guinea e Re”.
Me këtë vendim, Italia në fakt është bërë vendi i parë që ka ndaluar një grumbull vaksinash të destinuara për një vend jo-BE.
Një vendim i ligjshëm sipas mekanizmit të autorizimit që vetë Komisioni kishte zhvilluar në fund të janarit, pasi kompania farmaceutike britanike-suedeze kishte njoftuar një ulje të dozave në vendet e BE në tremujorin e parë të vitit.
Një reduktim që ka ngatërruar fushatën e vaksinimit të atyre vendeve, të tilla si Italia, e cila mbështetet shumë tek vaksina AstraZeneca.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
