Rama në krah të Mitsotakis-it në Derviçan: Ja ku e keni të birin e të atit! Minoriteti, urë e pazëvendësueshme mes dy vendeve

Kryeministri grek Kyriakos Mitsotakis ka qenë sot në fshatin Derviçan të Dropullit, për të takuar banorët minoritarë.

Në fjalën e mbajtur para banorëve, kryeministri Rama tha se e mbajti premtimin për t’u sjellë “të birin e të atit”, duke iu referuar Kyriakos Mitosktakis, i cili është i biri i ish-kryeministrit Konstantinos Mitsotakis.

Në fjalën e tij Rama e konsideroi minoritetin grek një urë të pazëvendësueshme mes dy vendeve. 

Ju kisha premtuar që do e sillja këtu të birin e të atit edhe ja ku e keni. Vërtet prekëse dhe për mua që nuk jam pjesë e minoritetit që të jem sot këtu, pas thuajse 30 vitesh që i pari dhe i fundit kryeministër i Greqisë ndaloi për të përshëndetur vëllezërit e motrat në minoritet, i ndjeri babai i kryeministrit aktual, i cili me shumë kënaqësi, e ka pritur këtë ftesë.

Për ne minoriteti është një urë e pazëvendësueshme e lidhjes së pazgjidhshme mes dy vendeve tona dhe me shumë mirënjohje dua të përshëndes të gjithë ata qytetarë si ju të Republikës së Shqipërisë me kombësi greke që i kanë dhënë shumë jo vetëm komunitetit, por i kanë dhënë shumë vendit dhe që falë lirisë e hapjes së kufijve, pas një periudhe të gjatë izolimi mund të lëvizin lirisht mes kësaj ane dhe asaj ane të kufirit. Më vjen mirë që përfaqësuesit e këtij komuniteti në sipërmarrjen shqiptare janë nga më të rëndësishmit në ekonominë tonë. Me vjen jashtëzakonisht mirë që nga ky komunitet ka artistë, piktorë, skulptorë, që aktivitetin e tyre e zhvillojnë në Janinë por që janë të pandarë nga kjo zonë. Edhe vjen mirë që kemi dhe 'djallin' vetë Pirro Dhimën mes nesh, ku je Pirro? S’kanë lënë gjë pa i thënë por siç thotë Niçja, ‘çfarë nuk të vret të forcon’, e unë si 'tradhtar' profesionist të përshëndes!”.