Ndryshimet klimatike po e përkeqësojnë ndjeshëm problemin e alergjive sezonale në mbarë botën, duke zgjatur sezonin e polenit dhe duke rritur intensitetin e simptomave tek miliona njerëz.
Rritja e temperaturave dhe niveleve të CO₂ po bën që bimët të prodhojnë më shumë polen, ndërsa stuhitë ekstreme po krijojnë situata të rrezikshme shëndetësore.
Një nga shembujt më dramatikë është ngjarja e “astmës nga stuhia” në Melbourne në vitin 2016, kur një stuhi e fortë shpërtheu grimcat e polenit në ajër, duke shkaktuar një krizë masive respiratore.
Brenda pak orësh, spitalet u mbingarkuan, mijëra persona kërkuan ndihmë dhe dhjetë persona humbën jetën.
Ekspertët si Paul Beggs theksojnë se ndryshimi klimatik po rrit sasinë dhe sezonalitetin e polenit, ndërsa Leëis Ziska paralajmëron se nivelet më të larta të CO₂ po i bëjnë disa bimë edhe më alergjike.
Po ashtu, Elaine Fuertes thekson se sezonet e alergjive po fillojnë më herët dhe po zgjasin më shumë.
Sipas studimeve, deri në mesin e shekullit, sezonet e polenit mund të zgjaten deri në dy muaj shtesë, duke rritur ndjeshëm numrin e personave që vuajnë nga alergjitë dhe astma.
Shkencëtarët paralajmërojnë se pa ulje të emetimeve të gazeve serrë, situata do të përkeqësohet më tej, si në frekuencë ashtu edhe në intensitet.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
