Gazetari Ervin Baku tha përmes një lidhje “Skype” me studion e MCN TV se Kombëtarja në ndeshjen me Moldavinë do të luajë me të njëjtin formacion që luajti në ndeshjen e fundit.
Duke vijuar më tej, Baku tha se Shqipëria i ka të gjitha mundësië që të dalë triumfatore dhe se beson se Kombëtarja sot do të fitojë 3 pikë.
Është një rregull i pashkruar që formacioni fitues nuk ndërrohet, Kombëtarja do të luajë me atë formacion që luajti ndeshjen e fundit.
Broja nuk ka si të jetë se nuk është grumbulluar për këto dy ndeshje. Që të luash duhet më parë të grumbullohesh dhe në grumbullimet e Silvinjos Broja nuk figuron, janë zgjedhje të trajnerit.
Sfida me Moldavinë është e vështirë se për herë të parë po bëjnë paraqitje dinjitoze në eliminatore. Ne e kemi bërë dhe ne jemi në vendin e parë. Ne një pikë na zyrtarizon shkuarjen në Gjermani. Të dyja skuadrat do të luajnë për tre pikë. Kemi fituar 5 herë përballë moldavëve.
Shqipëria sot do të fitojë 3 pikë dhe do ta përfundojë me 19 pikë dhe me vendin e parë në grup.
Është Moldavi e fortë se në këtë edicion nuk është mundur në fushën e vet, por këtë pritet ta bëjë Shqipëria sot. Këtë edicion nuk ka qenë një Poloni e fortë. Shqipëria i ka mundësitë të dalë triumfatore.
Kjo pjesëmarrje këtë herë nuk do të ketë pjesëmarrje me dron, me gjykata, me një 3 pikësh në tavolinë, por do të jetë një pjesëmarrëse bindëse, me një dominim total të Shqipërisë në këtë grup eliminatorësh.
Dalëngadalë po bëhemi Shqipëri e madhe, me një trajner që Shqipëria ka vite që e pret.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
