Pas një pauze më shumë se dy mujore, marrëveshja Itali-Shqipëri për emigrantët është aktivizuar sërish.
Sipas burimeve, patrulluesi i Marinës Ushtarake italiane "Cassiopea" është nisur nga ujërat pranë Lampeduzës dhe pritet të mbërrije mëngjesin e së hënës në Shëngjin.
Ende nuk ka të dhëna sa është numri i emigranteve që do të sjellë, por bëhet me dije se ata janë verifikuar paraprakisht, ndërsa janë marrë të gjitha masat për kryerjen me sukses të këtij operacioni i cili është i treti i këtij lloji.
Prej fillimit të muajit janar në qendrën pritëse të Shëngjinit dhe kampin e Gjadrit është shtuar numri i personelit dhe gjithçka është gati për të vijuar misionin konform rregullave të përcaktuara mes Shqipërisë dhe Italisë për emigrantet.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
