Autoritetet amerikane kanë fituar përpjekjen e tyre për të rrëzuar vendimin e një gjykatësi britanik që themeluesi i WikiLeaks, Julian Assange nuk duhet të ekstradohet për t'u përballur me akuzat në Shtetet e Bashkuara.
50-vjeçari australian është akuzuar në SHBA sipas “Aktit të Spiunazhit” për rolin e tij në publikimin e kabllogrameve të klasifikuara ushtarake dhe diplomatike.
Vendimi i së premtes nga dy gjyqtarë të lartë rrëzon vendimin e një gjykatësi britanik në janar se plotësimi i kërkesës së SHBA për ekstradimin e Assange do të ishte "shtypës për të" për shkak të shëndetit të tij mendor.
Gjyqtarja Vanessa Baraitser e konsideroi atëherë se "masat e veçanta administrative" në të cilat Assange do të mbahej me shumë gjasa do të kishin një ndikim të rëndë negativ në shëndetin e tij mendor.
Sipas dokumenteve të gjykatës, SHBA-ja fitoi apelin e saj për ekstradimin e Assange për shkak të "katër garancive" të dërguara në datën 5 shkurt 2021.
Këto garanci ishin se Assange nuk do të bëhej objekt i "masave të veçanta administrative"; as nuk do të mbahej në një burg të sigurisë maksimale para ose pas gjyqit. Përveç kësaj, SHBA do të "pajtonte" një kërkesë të Assange për t'u transferuar në Australi për të kryer dënimin e tij (nëse dënohet); dhe ndërsa ishte në paraburgim në SHBA, Assange do të merrte "trajtimin e duhur klinik dhe psikologjik".
Gjyqtarët e lartë që dëgjuan ankesën ishin të kënaqur që këto garanci plotësonin shqetësimet që e shtynë gjyqtaren të merrte vendimin e saj në janar, thuhet në dokumentet e gjykatës të premten.
Gjykatësit urdhëruan që çështja tani të kthehet në Gjykatën e Magjistraturës së Westminsterit, me një urdhër që një gjykatës i qarkut t'ia dërgojë çështjen Sekretarit të Brendshëm të Mbretërisë së Bashkuar, i cili do të vendosë nëse Assange duhet të ekstradohet në SHBA.
E fejuara e Assange, Stella Moris e kritikoi vendimin e Gjykatës së Lartë si një "shkelje e rëndë e drejtësisë", sipas një deklarate të publikuar në burimin zyrtar të WikiLeaks në Twitter.
Assange kërkohet në SHBA për 18 akuza penale pasi WikiLeaks publikoi mijëra dosje të klasifikuara dhe kabllograme diplomatike në vitin 2010. Ai po mbahet në burgun Belmarsh në Londër. Nëse shpallet fajtor, ai përballet me 175 vjet burg.
Assange u arrestua në prill të vitit 2019 kur autoritetet britanike hynë në Ambasadën Ekuadoriane, ku ai ishte fshehur për shtatë vjet, dhe e morën atë në paraburgim me një urdhër ekstradimi nga SHBA.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
