Shtetet anëtare të BE-së shprehën të hënën mbështetjen politike për të vendosur sanksione të reja ndaj Iranit për mbështetjen e tij ushtarake për luftën e Rusisë në Ukrainë, nëse vërtetohet se sulmet në Kiev janë kryer me dronë të prodhuar nga Irani.
Ministrat e Jashtëm të BE-së në Luksemburg arritën një konsensus parimor për sanksionimin e Teheranit nëse gjenden prova të forta se ka furnizuar Moskën me drone 'kamikaze' Shahed 136.
Sipas zyrtarëve ukrainas, Rusia ka vendosur gjithnjë e më shumë drone iraniane për të synuar infrastrukturën në të gjithë Ukrainën javët e fundit. Irani thotë se nuk ka dërguar asnjë dron në Rusi që nga pushtimi i Ukrainës nga Moska dhe Kremlini nuk ka komentuar.
“Ne po ndjekim nga afër përdorimin e dronëve. Ne po mbledhim prova dhe do të jemi gati të reagojmë me mjetet që kemi në dispozicion”, u tha gazetarëve pas takimit të ministrave kryediplomati i BE-së Josep Borrell.
“Këto procese sanksionesh duhet të bazohen në prova. Provat ekzistojnë; është ofruar nga shërbimet përkatëse të inteligjencës,” tha Borrell.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
