Ministri i Jashtëm i Serbisë, Iviça Daçiç, e ka humbur toruan dhe pas mbledhjes së Këshillit të Sigurimit të OKB-së ka fyer ambasadoren e Kosovës, Vlora Çitaku, dhe delegacionin që e shoqëronte.
Po ashtu, Daçiç, me fjalët që ka përdorur ka fyer edhe SHBA-të e Britaninë e Madhe duke i quajtur kolonialistë.
Menjëherë pas përfundimit të mbledhjes, Daçiq kishte shkuar tek ambasadorja e Çitaku e cila po fliste me përfaqësues të delegacioneve amerikane dhe britanike.
Siç duket edhe në video, Daçiq bërtet duke fyer ambasadoren Çitaku e cila edhe vet e ka konfirmuar një gjë të tillë.
“Ata me të cilët je dukë qëndruar janë kolonialistët tuaj”, citon Çitaku të ketë thënë Daçiç, teksa ambasadorja e Kosovës ishte në prani të zyrtarëve amerikanë dhe britanikë.
Ministri i Jashtëm Ivica Daçiç, i cili përfaqësoi Serbinë në seancën e Këshillit të Sigurimit të OKB-së mbi Kosovën, pati një duel të ashpër me Flora Çitakun, raporton Telegrafi serb.
Ministrit serb Daçiç nuk i mjaftoi fjala në Këshill të Sigurimit dhe pas tij e nxitoi të flasë për televizionin serb RTS ku deklaroi se Çitaku provoi të thoshte se Serbia ishte shtet kolonialist në Kosovë. Si duket është prekur shumë e tha se “Si nuk ka turp të flasë ashtu, duke e ditur se kur flisni në këshillin e sigurimit para fuqive të mëdha kolonialiste të cilat kishin kolonitë e tyre anë e kënd botës dhe e dinë se çka është kolonializmi. Si mund të flisni ashtu para shteteve afrikane, amerikano jugore e aziatike të cilat u çliruan nga kolonializmi.”
Nuk u mjaftua me ‘vlerësimet’ Dacic e sfidoi Ambasadoren, Vlora Çitaku, që “të gjejë një monument nga Kosova të shekujve të 13, 14 apo 12, kur të e gjejnë një monument të tillë atëherë mund ta pranoj se kishte shqiptarë aty”,
Ministri Dacic shtoi se mbledhja e sotme është thirrur në 20 vjetorin aprovimit të Rezolutës 1244. Ai shtoi se i ka paralajmëruar se Prishtina po përgatit sulme në veri të Kosovës e tha se KFOR duhet të përgjigjet se a do të mbrojë popullin Serb apo jo, edhe pse ai nuk do të dëshironte, Serbisë i bie vendimi i vështirë se si do të reagojë në mbrojtje të popullit të vet.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
