Australia nisi zyrtarisht sot programin e diskutueshëm për t'u pajisur me nëndetëse me energji bërthamore, si pjesë e një aleance të re mbrojtëse me Mbretërinë e Bashkuar dhe Shtetet e Bashkuara.
Ministri australian i Mbrojtjes Peter Dutton ka nënshkruar një marrëveshje me diplomatët britanikë dhe amerikanë që autorizon shkëmbimin e "informacionit të shtytjes bërthamore detare" midis vendeve të tyre.
Kjo është marrëveshja e parë e nënshkruar dhe e bërë publike që kur të tre vendet njoftuan aleancën e tyre të re të mbrojtjes të quajtur Aukus në shtator për të adresuar tensionet strategjike në rritje midis Shteteve të Bashkuara dhe Kinës në Paqësor.
Kjo aleancë u shoqërua me anulimin nga Australia të një mega-kontrate për blerjen e dymbëdhjetë nëndetëse franceze me lëvizje konvencionale me vlerë 90 miliardë dollarë (55 miliardë euro).
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
