Prej ditësh, zjarret në Kaliforninë e Jugut po përparojnë duke shkrumbuar gjithë çfarë gjejnë përpara. Zjarri i emërtuar Thomas ka djegur plotësisht deri tani një sipërfaqe më të madhe se qyteti i Nju Jorkut dhe Bostoni, të marrë sëbashku.
Me një sipërfaqe të djegur prej 230 000 akra (930.7 km2), zjarri Thomas është bërë kështu i pesti më i fortë në historinë e Kalifornisë.
Por parashikimet nuk janë aspak optimiste. Erërat parashikohet të nxisin përhapjen e flakëve, ndërsa parashikimi i motit nuk sheh reshje shiu në 10 ditët e ardhshme.
Për shkak të zjarrit, 2432 abonentë kanë mbetur pa energji elektrike, ndërsa në total parashikohet që numri i tyre të arrijë në 85 mijë.
Të paktën 94 600 njerëz janë detyruar të evakuohen.
Në Santa Barbara janë mbyllur 19 nga 20 shkollat e prefekturës.
Deri tani, zjarri është bërë shkak për vdekjen e një personi. Viktima është shënuar në Virginia Pesola, ku është aksidentuar për vdekje ndërsa përpiqej t’i largohej zjarrit duke udhëtuar me makinë.
Fotot: CNN
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
