Pas dymbëdhjetë vitesh mbikëqyrje nga Komisioni Evropian, Greqia po kthen një faqe.
Një ditë historike për Greqinë dhe grekët .
Kështu deklaroi kryeministri grek të shtunën në një fjalim drejtuar kombit.
Një horizont i ri i qartë i rritjes, unitetit, prosperitetit po shfaqet për të gjithë.
Në vitin 2010, qeveria greke, duke kuptuar se arkat e saj ishin bosh, iu drejtua BE-së, Bankës Qendrore Evropiane dhe Fondit Monetar Ndërkombëtar. Që nga viti 2010, tre plane shpëtimi prej 289 miliardë euro janë vënë në zbatim nga këta kreditorë, të cilët kërkojnë që Athina të marrë masa shtrënguese që synojnë përmirësimin e financave publike të vendit dhe futjen e parave në arka. Ulen pensionet dhe pagat, rriten taksat, ngrihen punësimet publike, shkurtohen buxhetet e administratave, spitaleve dhe të gjitha organeve publike.
Në vitin 2018 përfundoi programi i tretë, por më pas Komisioni Evropian nisi një regjim të mbikëqyrjes së shtuar të ekonomisë greke për të verifikuar zbatimin e reformave të ndërmarra dhe vazhdimin e privatizimeve.
Komisioni Evropian pret rritje prej 4% këtë vit, ndërsa mesatarisht në eurozonë duhet të rritet në 2.6%. Por papunësia mbetet një nga më të lartat në eurozonë, paga minimale nga më të ulëtat dhe borxhi prej 180% të PBB-së mbetet një barrë për ekonominë e vendit.
Ndërsa presidentja e Komisionit Evropian, Ursula von der Leyen tha nëpërmjet një reagimi në Twitter se BE do të jetë gjithmonë pranë Greqisë.
Sot është dita e fundit e mbikëqyrjes së përforcuar ekonomike të Greqisë.
Falë vendosmërisë dhe qëndrueshmërisë së Greqisë dhe popullit të saj, vendi mund ta mbyllë këtë kapitull dhe ta shikojë të ardhmen me besim.
BE-ja do të jetë gjithmonë pranë jush.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
