Dy të vdekur dhe 55 të plagosur është bilanci i një zjarri në një autostradë pranë aeroportit të Bolonjës, në Itali.
Shkak për flakët dhe shpërthimin që pasoi dyshohet të jetë bërë një aksident në të cilin u përfshinë një kamion që transportonte lëndë të djegshme dhe disa mjete të tjera.
Në flakë janë përfshirë edhe mjetet e disa kompanive koncesionare pranë vendit të ngjarjes.
Qarkullimi në autostradën e Casalecchio-s është ndaluar në të dyja drejtimet, ndërsa një helikopter i zjarrfikëses po përpiqet të vërë nën kontroll flakët nga ajri.
Për shkak të shpërthimit dhe përhapjes së flakëve është shembur pjesërisht edhe një urë, pjesë e autostradës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
