Putin: Rusia do të mbrojë kufijtë detarë me çdo mjet

Rusia do të sigurojë me vendosmëri mbrojtjen e kufijve të saj detarë me të gjitha mjetet.

Kështu deklaroi Presidenti rus Vladimir Putin në paradën e Marinës në Shën Petersburg.

Gjatë festimeve, Putin nënshkroi rregulloren e re të Marinës Ruse, e cila, tha ai “përcakton kufijtë dhe zonat e interesave kombëtare të Rusisë”.

Gjëja kryesore për marinën ruse është se ajo është në gjendje t’i përgjigjet me shpejtësi rrufe të gjithë atyre që vendosin të cenojnë sovranitetin dhe lirinë tonë.

Ndër të tjera Putin deklaroi se dorëzimi i sistemeve të raketave hipersonike Tsirkon për trupat ruse do të fillojë në muajt e ardhshëm.