GJKKO ka shpallur fajtorë gjashtë zyrtarët e Bashkisë Divjakë për shkelje të barazisë në tendera.
Dorjan Spaho, Sara Xhepa, Rokled Malko, Fatos Veliu, Vojsava Lecini dhe Elbareta Nishica, kjo e fundit me funksion drejtoreshë e planifikimit të zhvillimit të territorit, ishin nën gjykim për 3 procedura tenderimi të zhvilluara nga Bashkia Divjakë, me një vlerë totale rreth 1 milion euro.
Për Spahon, Xhepën dhe Malkon, gjykata vendosi fillimisht dënimin me nga 1 vit burg që me gjykim të shkurtuar reduktohet në 8 muaj. Më pas ky dënim është konvertuar në 120 orë shërbim prove për secilin që duhet të kryhet brenda 6 muajve.
I njëjtë ka qenë dënimi me burg edhe për Veliun, Nishicën e Leçinin, por të tre janë lënë në liri me kusht për 16 muaj dhe heqje të së drejtës për ushtrimin e funksioneve publike për 5 vjet.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
